Æнгом бастдзинад

Национ наукон чиныгдоны фонд фæхъæздыгдæр. Ирайнаг чингуыты æмбырдгондмæ бахастой 20 чиныгæй фылдæр. Ахæм мадзал сарæзтой Ирыстон æмæ Ираны æхсæн культурон бастдзинæдтæ фæфидардæр кæнынæн. Æрæджы Ираны сбæрæг кодтой «Чингуыты къуыри». Йæ фæлгæты Дзæуджыхъæуы сарæзтой ацы мадзал дæр. Уазджытæн ма равдыстой Ираны тыххæй киноныв, радзырдтой сын цымыдисаг цаутæ скæсæйнаг паддзахад æмæ Цæгат Ирыстоны ахАстдзинæдты тыххæй. Уæ зæрдыл уын æрлæууын кæндзыстæм, ивгъуыд аз Ирайнаг æхсæнад национ наукон чиныгдонæн цымыдисаг æмбырдгæндтæ кæй балæвар кодта. Дзеранты Тимур: «Фæстаг рæстæг ацы бастдзинæдтæ фæфидардæр сты. Стæй, куыд гæнæн ис, афтæ аразæм нæ Ирайнаг хæлæрттимæ ахастдзинæдтæн ног фадæттæ дæр. Мах дæр, уыдон дæр, хауæм иу æвзаджы къордмæ - ирайнагмæ. Дзырдтæ «Иран» æмæ «Ирон» дæр хуымæтæджы æнгæс не сты». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv