Джусойты Мураты схорзæхджын кодтой «Ирыстоны намысы» майданæй

Зынгонд ирон кинорежиссер, сценарист Джусойты Муратыл æххæст кæны 60 азы. Сфæлдыстадмæ стыр æвæрæн кæй бахаста, уый тыххæй йæ республикæйы сæргълæууæг Битарты Вячеслав схорзæхджын кодта «Ирыстоны намысы» майданæй. Кадджын уавæры юбилярæн балæвар кодтой сæргълæууæджы залы. Битарты Вячеслав Джусойты Муратæн загъта бузныджы ныхæстæ, культурæйы райрæзтмæ стыр æвæрæн кæй бахаста, уый тыххæй. Уæ зæрдыл уын æрлæууын кæндзыстæм, Джусойты Мурат у кинонывтæ «Горец», «Рудник», «Человек в зеленом кимоно», «Коста» æмæ æндæрты автор. Режиссеры кустытæн стыргъ аргъ кæнынц Уæрæсейы æмæ æппæтадæмон кинофестивальты. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv