«Ацæмæзы уадындз»

Абон сывæллæтты сфæлдыстады галуан «Заря»-йы уыд ирон зарæджы 10-æм республикон конкурс «Ацæмæзы уадындз». Архайдтой дзы 17 конкурсанты æмæ æртæ ансамблы, 7 азæй 20 азы онг кæуыл цæуы, ахæмтæ. Сæхи æвдыстой 2 номинацийы: «солист» æмæ «вокалон ансамбль». Хистæр кары къорды чи фæуæлахиз, уыдон, æрыгæттæн æххуыс кæныны программæ æххæстгæнгæйæ, хаст æрцæудзысты федералон преми райсыны номхыгъдмæ. Конкурс сарæзтой нæ республикæйы ахуырады æмæ наукæйы министрад, сывæллæтты сфæлдыстадон галуаны кусджыты хъæппæрисæй. Амидингæнджыты хъуыдымæ гæсгæ, ахæм мадзæлттæ тынг ахъаз сты мадæлон æвзаг хуыздæр базонынæн æмæ йæ райрæзтæн. Æрыгон зарæггæнджыты курдиатæн аргъ кодтой жюрийы уæнгтæ. Се `хсæн республикæйы адæмон артисткæ Дзахоты Зæлинæ. Мадзалы сæйраг хæс - æрыгон фæлтæры зарæджы фæрцы ирон аивадимæ зонгæ кæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv