Цæгат Ирыстоны министрты кабинеты æрцыд ивдзинæдтæ. Республикæйы æрдзон æвæрæнтæ æмæ экологийы министрæй снысан кодтой Бæззаты Вадимы. Сæрмагонд указ бафыста Цæгат Ирыстоны сæргълæууæг Сергей Меняйло. Республикæйы сæргълæууæг ма бафыста иу указ. Йæ куысты бынатæй, йæхи фæндонмæ гæсгæ, суæгъд кодтой Цæгат Ирыстоны арæзтад æмæ архитектурæйы министр Моргуаты Константины. Указ йæ тыхы бацæудзæн 10-æм июлæй.