Уадзæн пункт Уæллаг Ларсы ныртæккæ шофыртæн сæ бон уыдзæн рагацау рад бацахсын

Уадзæн пункт Уæллаг Ларсы ныртæккæ шофыртæн сæ бон уыдзæн рагацау рад бацахсын. Уый та уымæн, æмæ алыхуызон хæдтулгæтæн электрон рад сараздзысты.Уый фæдыл ныхас кодтой сæрмагон æмбырды. сæрдариуæг дзы кодта республикæйы сæргълæууæг Битарты Вячеслав. Йæ ныхæстæм гæсгæ, уадзæн пункты хæдтулгæтæ рады хъуамæ мауал лæууой. Уадзæн пункты фæзындзæн электрон хуызы фæйнæг. Уым алкæмæн йæ рад уыдзæн бæрæг.Специалисттæ куыд зæгъынц, афтæмæй уыцы хъæппæрис куыст зынгæ фæрогдæр кæндзæн. Уымæй уæлдай ма сæрмагонд куыстытæ дæр фæтагъддæр уыдзысты. Ныртæккæ цæстадрæн -уадзæн пункт Уæллаг Ларсыл суткæмæ ахизы 700 уæзæгтæласæн хæдтулгæйы. 7000 та бавæййынц адæймæгтæ. Уый у, цас ын æмбæлы, уымæй 5 хатты фылдæр. Уæвгæ экспертты ныхæстæм гæсгæ, фидæны хæдтулгæты нымæц кæндзæн фылдæр. Арвыкомы фæндаджы цы объекттæ ис, уыдон хъуамæ уой иу архитектурон хуызы - фæнысан кодта Битарты Вячеслав. Æмбырды архайджытæ æрдзырдтой, арæны сæрты чи хизы, уыдоны æдасдзинады фарстатыл _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv