Архонкæйы райдыдтой фæлварын ног цымыдисаг халсартæ æмæ зайæгойты хуызтæ зайан кæнын

Чысыл куыстуæттæ рæзынц хъæууон хæдзарады къабазы дæр. Дæнцæгæн кæй рæхæссæм, уый дæр ис. Архонкæйы райдыдтой фæлварын ног цымыдисаг халсартæ æмæ зайæгойты хуызтæ зайан кæнын. Уыцы фадат фæзынд хъæууон-хæдзарадон куыстуат «Архонкæ»-йæн. Фæллойгæнджыты хъуыддаг фæрæстмæ Латвийы дæсны специалистты руаджы. Уыдон фæнд кæнынц ног технологон домæнты æххуысæй цымыдисаг халсарты хуызтæ рапарахат кæнын Ирыстоны, фæстæдæр та æппæт Уæрæсейы дæр. Цавæртæ, уый нæ уацхæссæг Къутæрты Аидæ йæхæдæг федта. Ныры онг дзы цы тыллæг байтыдтой, уый тыххæй бæлвырддæр йæхæдæг радзурдзæн. Реуазты Юрий хъæууон-хæдзарадон куыстуат «Архонкæ»-йы фæллой кæны къорд азы. Йæ куысты сæйраг хæс у зæххытæ хаццоны чи райста, уыдонмæ цæст дарын. Алы амалхъом адæймагæн дæр аразы æмбæлгæ уавæртæ, цæмæй æрвылаз бирæ тыллæг æмбырд кæной. Реуазты Юрий куыд радзырдта, афтæмæй зæхкусджыты фæндмæ гæсгæ архайдзысты ног технологон домæнтæн дзуапп чи дæтты, ахæм кусæнгæрзтæй. Фæлæ республикæйы хъæугæ специалисттæ нæ разынд. Æрæджы куыстуатмæ æрцыдысты Литвайы республикæйæ минæвæрттæ. Нартхор, картоф, пъæмидортæ, джитъритæ, мæнæргъы. Ацы зæххытыл рæзы бирæ зайæгойты хуызтæ. Фæлæ дзы цæст ахæссæн ис цымыдисаг халсартыл дæр. Ныры онг ацы зæххыты фыдæбон кæнынц бирæ адæм. Артишок кæй хонынц , уый ацы бынæтты хорз зайы. Уæдæ адæймаджы æнæниздзинадæн дæр пайда у. Цæвиттон, ацы халсар бирæ низтæ хорз кæны. Сергей Мармазовы ныхæстæм гæсгæ, артишок Архонкæйы æнæмæнгæй апарахат уыдзæн. Уый тыххæй дзы алы уавæртæ дæр ис. Гуытъиаты Тимур зæххы куыст бирæ уарзы. Уыимæ ма йæ зæрдæмæ цæуы алыхуызон халсартæ æмæ зайæгойты хуызтæ æвзарын дæр. Хæдзарад "Архонкæ"-йы ныридæгæн фæзындысты бирæ ног зайæгойты хуызтæ. Зæгъæм, бамиа, бур харбыз, æмæ ма суанг банантæ дæр. Кæд сæ нырма фæлварæны хузы байтыдтой, уæддæр сæ ныфс ис, иннæ азмæ хъæздыг тыллæг кæй сисдзысты, уый. Гъуытиаты Тимуры ныхæстæм гæсгæ, алы уалдзæг хæдзарады бакусынц 80-ай адæймагæй фылдæр. Ныртæккæ нæ республикæйы хæрæндонты кусджытæ зæрдиагæй æнхъæлмæ кæсынц артишокы тыллæгмæ. Нырма уал Мæскуыйы дуканитæм арвыстой æрмæстддæр спаржæ. Кæд ног зайæгойы хуыз фылдæр кæнын райдайа, уæд уый дæр æрвыст æрцæудзæн нæ горæты дуканитæм, æмæ сыхаг респубикæтæм. Къутæрты Аидæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv