Фæлварæнты агъоммæ

Æгас Уæрæсейы 11-æм къласонтæ абон ныффыстой кæронбæттæны сочинени. Уыдонæй Цæгат Ирыстоны 3,5 мин рауагъдоны. Сочиненийы 'бæрæггæнæнтæм гæсгæ уагъд æрцæудзысты иумæйаг паддзахадон фæлварæнмæ. Куыст йæ бон ныффыссын кæмæн нæ бауа, кæнæ та йæм исты аххосæй куы нæ бахауа, уыдонæн сочинени ныффысынæн сараздзысты уæлæмхасæн æмгъуыд – иннæ азы февраль, кæнæ майы. Чи нæ сарæхса хæслæвæрдимæ, уыдон та иумæйаг паддзахадон фæлварæнмæ нæ бахаудзысты. Кæронбæттæны сочинени ныффыссынæн рæстæг радтой 3 сахаты æмæ 55 минуты. Йе 'нæниздзинад хъыгдард кææмæн у, уыдонæн та 1 сахат æмæ 'рдæг фылдæр. Ацы аз сты 47 скъоладзауы. Сывæллæттæ сочинени фыстой 5 темæйыл: «Отцы и дети», «Мечта и реальность», «Месть и великодушие», «Искусство и ремесло», «Доброта и жестокость». Куыстытæн аргъ дæттдзысты системæ «зачет/незачет»-мæ гæсгæ. Сочинени ныффысыны фадат ма уыд раздæр азты рауагъдтонтæн дæр.  Зæгъын хъæуы уый, фæлварæнмæ кæсынц æхсæнадон цæстдарджытæ. Сочиненийы хатдзæгтæ бæрæг уыдзысты 19-æм декабры. РЦИ-Аланийы ахуырад æмæ наукæйы министрады сабибонты социалон хъахъхъæнынады хайады сæргълæууæг Бататы Фатимæ: «Абон 3 æмæ рдæг мин сывæллонæй фылдæр ныффыстой кæронбæттæны сочинени. Уый сывæллæтты бауаддзæн паддзахадон аттестацимæ. Уымæй уæлдай ма аттестаци ныффысыны баруыдис астæуккаг профессионалон ахуыргæнæндæтты студенттæн. Абон уыдон уыдысты 60 адæймаджы. Йе нæниздзинад хъыгдард кæмæн у, уыдонæн сарæзтам сæрмагонд фадæттæ». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv