Цæгат Кавказы Хæххон Металлургон институты фæзындзæн фæстауæрцгæнæн центр

Цæгат Кавказы Хæххон-Металлургон институты фæзындзæн бархионтæ æмæ культурæйы къабазы æххуысы, уыимæ æдасдзинад æмæ æнæнхъæлæджы цауты фæстиуджытимæ тох кæныны фæстауæрцгæнæн центр. Цæгат Каказы Федералон зылды центр уыдзæн иунæг. Ахуыр дзы кæндзысты тагъдæххуысы сæйраг сусæгдзинæдтыл. Центр дзуапп дæтдзæн нырыккон технологон домæнтæн. Уæдæ стыр ахъаз уыдзæн æнæнхъæлæджы цаутæ аиуварс кæныны къабазы кусджытæн дæр, уымæн æмæ ахæм бархионты цæттæ кæндзысты ам. Хъараты Роман бирæ азты у бархион. Зæрдиагæй йæ фæнды, цæмæй нæ республикæ рæза. Нæ горæты фæсивæды хъуыддæгты министрады кусджыты хъæппæрисæй ныртæккæ архайы ног проектыл. Романы ныхæстæм гæсгæ, проект хорзы ’рдæм фæзындзæн тагъдæххуысы къабазы кусджытыл.  Хъараты Роман, студенты æппæтуæрæсеон ирвæзынгæнджыты корпусы архайæг: «Ацы центр фæзындзæн Хæххон металлургон институты. Мæнæ ацы бынаты уыдзæн сæрмагонд бахизæн. Цæмæй ацы ресурсон центрмæ алы адæймагæн дæр йæ бон базихæн уа. Уыдзæн дзы ахуырадон кълæстæ, стæй хъæугæ кусæнгæрзтæ. Центры сæйраг нысан - адæмæн тагъдæххусы зонындзинæдтæ бацамонын». Цæгат Каказы Федералон зылды ацы ресурсон центр уыдзæн фыццаг. Дзуапп дæтдзæн нырыккон технологон домæнтæн. Рахицæн ын кæндзысты стыр бæстыхай. Уыдзæн дзы цалдæр хайады. Ахуыр дзы кæндзысты тагъдæххусы сæйраг домæнтыл. Уымæй уæлдай ацы центр стыр ахъаз уыдзæн æнæнхъæлæджы цаутæ аиуварскæныны къабазы кусджытæн дæр. Хъараты Роман, студенты æппæтуæрæсеон ирвæзынгæнджыты корпусы архайæг: «Зæгъæн ис, æмæ ацы центр иумæйаг куыст кæндзæн тагъдæххусы къабазимæ. Ахæм центр Цæгат Кавказы федералон зылды у фыццаг. Æнæмæнгæй, республикæйæн стыр æххуыс у». Ахæм центртæ Уæрæсейы æдæппæтæй сты 10. Нæ республикæйы фæзынд Хъараты Романы хъæппæрисæй æмæ ма йемæ иузæрдион чи у, уыцы адæмы фæрцы. Ныртæккæ Хъараты Роман йæ зонындзинæдтæ не ’вгъау кæны, ирвæзынгæнæг суæвын кæй фæнды, уыцы студентты ахуыр кæнгæйæ. Нæлгоймаг йæ зæрдæ дары, ацы центр Цæгат Кавказы федералон зылды цæрджытæн пайда кæй уыдзæн, ууыл.  Хъараты Роман, студенты æппæтуæрæсеон ирвæзынгæнджыты корпусы архайæг: «Тагъд феххуыс кæныны æгъдæуттæ хъуамæ зона алчидæр. Æмæ уымæ гæсгæ ахуыр кæндзыстæм скъоладзауты дæр. Уæдæ хистæр кары адæмæн дæр фадат ис сæ дæсныйад фæбæрзонддæр кæнынæн». Ацы центры кусджытæ æрмæст скъоладзаутæ æмæ уæлдæр ахуыргæнæндæтты студенттимæ нæ кусдзысты, фæлæ ма кæй фæнда, уыдонæн се ’ппæтæн дæр дæттдзысты хъæугæ зонындзинæдтæ.  Æрыгæттимæ сæрмагонд куыст цæудзæн, цæмæй   тагъдæххусы æгъдæуттæ æмæ домæнтæ хуыздæр зоной, стæй бахъуаджы сахат æххуысхъом уой. Иумæйагæй ацы проектыл ныры онг архайынц нæ республикæйы фæсивæды хъуыддæгты фæдыл министрады уæнгтæ, æнæнхъæлæджы цауты министрады разамынд æмæ граждайнаг хъахъхъæнынады къабазы минæвæрттæ. Проекты сæрмагонд гæххæтытæ та бацæттæ кодтой ирвæзынгæнджыты Æппæтуæрæсеон корпусы архайджытæ. Проекты райрæзтыл бæстонæй кусын райдайдзысты ацы къуыри. Фæлæ ахуырдзаутимæ куыст райдайдзæн цыбыр рæстæджы фæстæ. Алчидæр дзы райсдзæн æмбæлгæ зонындзинæдтæ. Фыццаг æххуысы сæйраг домæнтæй суанг æрдзон фыдбылызты фæстиуджыты куыд аиуварс кæнын хъæуы уый.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv