Тыхджын мит æрæмбæрзта Цæгат Ирыстон

Тыхджын мит æрæмбæрзта Цæгат Ирыстон. Знон, æхсæвæй-бонмæ коммуналон службæтæ балæууыдысты мит сыгъдæг кæнынмæ. Ныртæккæ дæр кæнынц уыцы куыст. Боныхъæды фæстиуджытæ иуварс кæнын митæфснайæн техникæ æхсæвæй радыдта. Фæндæгтæ банывыл кæныны тыххæй кусынмæ рацыдысты 15 машинæйы. Цæмæй ацæуæнтæ бырынцъаг ма уой, уый тыххæй сыл пырх кæнынц змис цæххимæ. Ныртæккæ митæфснайæн мадзæлттæ нæма фесты. Коммуналон службæйы кусджытæ къухæй сыгъдæг кæнынц куыд къахвæндæгтæ, æхсæнадон транспорты æрлæууæнтæ, афтæ сæ алфамблæйттæ дæр. Синоптикты ныхæстæм гæсæг, ахæм боныхъæдмæ ахæсдзæн къуырийы кæрномæ. Уæлдæфы темпЙературæ æхсæвæй уыдзæн 2 градуцæй - 7-ы онг уазал. Бонæй та 4 градусæй - 1-ы онг хъарм. Боныхъæд кæй февзæрдæр, уымæ гæсгæ Паддзахадон автоинспекцийы кусджытæ шофыртæм сидынц, цæмæй фæндагыл цæугæйæ уой къæрцхъусдæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv