Парти ИУ, горæты администраци æмæ Мидхъуыддæгты министрад сбæрæг кодтой зазбæлæсты уæйгæнджыты куыст

Ног азмæ баззад къуырийæ гыццыл фылдæр. Адæм, бæрæгбонмæ сæхи цæттæ кæнынц. Æлхæнынц заз бæлæстæ, фæлындæнтæ, лæвæрттæ, фейерверктæ. Ахсджиаг у, цæмæй уæйгæнджытæ æдасдзинады домæнтæ æххæст кæной. Уый фæдыл абон арæзт æрцыд сæрмагонд рейд. Чи уыдысты йæ архайджытæ æмæ сæм цы фиппаинæгтæ разынд, уый тыххæй радзурдзысты ме 'мкусджытæ. Парти «Иугонд Уæрæсе» -йы минæвæрттæ горæты администраци æмæ Мидхъуыддæгты министрады кусджытæ рацыдысты иумæйаг рейды. Бабæрæг кодтой, заз бæлæстæ кæм уæй кæнынц, уыцы бынæттæ. Ахсджиаг у, цæмæй уæйгæнджытæм хъæугæ, бардæттæг гæххæттытæ уа, архайой закъонмæ гæсгæ. Рейды архайджытæ федтой заз бæлас фæлындæнтæ кæм уæй кæнынц, уыцы бынæттæ дæр. Лицензи æмæ иннæ гæххæттытимæ амалхъомы архайды къуылымпыдзинæдтæ нæй. Разынд æм æндæр фиппаинæгтæ. Ног азы агъоммæ цæрджытæ пиротехникæ фылдæр æлхæнынц. Фейерверк у бæрæгбоны сæйраг фæзыдтæй иу. Йемæ архайын хъæуы арæхстгай, æдасдзинады домæнтæ æххæстгæнгæйæ. Пиротехникæ цы дуканиты уæй кæнынц, уыдоны рейды архайджытæ æркастысты зынгсирвæзты ныхмæ системæмæ. Мониторинг сарæзтой проект «Адæмон цæстдард» - ы фæлгæты. Рейдтæ цæудзысты декабры кæронмæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv