Уæлахизмæ фæндагыл

Цæгат Ирыстоны йæ тæмæны бацыд Европæйы турнир боксæй. Ерыстæ цæуынц спорты Галуан «Манежы». Мадзал аразджытæ сæхи бæстонæй бацæттæ кодтой. Æмæ цæуылнæ? Ацы турнир у республикæйы егъаудæр спортивон хабар. Уыимæ ма æгас Цæгат Кавказы нырма иунæг хатт дæр ахæм турнир нæ уыд. Уæрæсейы иугонд командæйы ис 20 спорстмены. Æмæ дзы æрмæстдæр иу - не мзæххон - Абайты Алан. Йæхи æнтыстджынæй æвдисы. Абон дæр ерысты иннæ къæпхæнмæ рахызт - æрдæгфиналмæ. Хæцыд 64 килограмы уæзы. Фембæлыд Испанийы минæваримæ. 3 раунды дæр уыди цырд, арæх иу йæ ныхмæлæууæджы ныббырста. Иу цалдæр хатты та йæ дзæбæх цæфтæ фæкодта. Афтæмæй, тæрхонгæнджыты иумæйаг уынаффæмæ гæсгæ, нæ боксер рамбылдта 5:0 хыгъдимæ. Йæ тренерты ныхæстæм гæсгæ, Алан ныр хъуамæ фембæла Молдавийы минæваримæ 15 мартъийы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv