Дзæуджыхъæуы ацыд Ипполит Вревский æмæ Вревскаяйы номыл концерт

«Из летописи Владикавказа», зæгъгæ, музыкалон-историон изæрты фæлгæты арæзт æрцыд Кавказы хæсты хъайтар Ипполит Вревский æмæ йæ бинойнаг баронесса Юлия Вревскаяйы номыл концерт. Уыдон стыр æвæрæн бахастой æрмæст нæ горæты нæ, фæлæ ма Уæрæсейы историмæ дæр. Концерты программæйы равдыстой 19-20 æнусты хоры зарджытæ, уырыссаг композиторты романстæ, фортепианойы музыкæ. Уазджыты ма базонгæ кодтой Вревскийы бинонты царды æмæ сæ куысты хабæрттимæ дæр.