Цæгат Кавказы рæзты фарстатыл ныхас кодтой УФ йы Нымайæн палатæйы

Цæгат Кавказы регионтæн 40 миллиард сомæй фылдæр рахай кæндзысты хæстæгдæр æртæ азы паддзахадон программæты райрæзтæн. Уый тыххæй фехъусын кодтой Уæрæсейы Нымайæн палатæйы стратегион сессийы рæстæг. Архайдта дзы хицауады сæрдары хæдивæг Юрий Трутнев, Уæрæсейы президенты цур Цæгат Кавказы федералон зылды æххæстбарджын минæвар Юрий Чайка æмæ Цæгат Кавказы регионты разамонджытæ. Се `хсæн республикæйы сæргълæууæг Битарты Вячеслав. Цæгат Кавказы федералон зылды райрæзты паддзахадон программæ 2025-æм азмæ снысан кодтой 8 азы размæ. Юрий Трутнев куыд бафиппайдта, афтæмæй паддзахадон программæмæ хъæуы ногæй æркæсын. Уымæн æмæ 10 азы дæргъы паддзахадон райрæзты закъонæвæрдтæм ногдзинæдтæ нæ бахастой. Йæ ныхæстæм гæсгæ, амалхъомдзинады къабазæн хъæугæ æххуыс нæй Цæгат Кавказы. Цæмæй хи инвестицитæ фæзыной, уымæ гæсгæ сæ баххæст кæнын фæхъæуы паддзахадон фæрæзтæй. Юрий Трутневы ныхæстæм гæсгæ, уый раст нæу. Регионы райрæзтæн хъæуы ног программæ снысан кæнын. Цæгат Ирыстоны тыххæй бæлвырддæр куы дзурæм, уæд ивгъуыд аз нæ республикæ паддзахадон программæйы фæлгæты райста 500 милуан сомы. Уый 6 инвестицион программæйы райрæзтæн,100 милуан сомы комплекс «Мамысон»-ы проектон-сметон гæххæттытæн, 92 милуан сомы та Æрыдоны районы цæугæдоны былгæрæттæ фидаргæнæн куыстытæн. Битарты Вячеславы уынаффæмæ гæсгæ бакодтой хъæугæ куыст, цæмæй конкуренцийы райрæзты административон къуылымпыдзинæдтæ къаддæр `ййафой. 2 азы æмгъуыдмæ Цæгат Ирыстон схызт 38 къæпхæны уæлдæр.Конкуренцийы райрæзты хыгъды ахсы 43 бынат. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv