Цæгат Ирыстоны парламенты сæрдар Алексей Мачнев бабæрæг кодта завод «Разряд»

Цæгат Ирыстоны парламенты сæрдар Алексей Мачнев бабæрæг кодта завод «Разряд». Æркаст цавæр кусæнгæрзтæй дзы пайда кæнынц, цы уавæрты кусынц, уымæ. Алексей Мачнев аныхас кодта куыстуаты дæсгай азты чи кусы уыдонимæ, æркаст куыстуат нырыккон технологитимæ æмдзу кæны æви нæ, уымæ. Парламенты сæрдаримæ кусæг балцы уыд промышленность æмæ транспорты министр Хайдарбек Бутов. Экскурси сын сарæзта куыстуаты генералон директор Джыккайты Артур. Заводы ныртæккæ фæллой кæнынц 100 адæймагмæ ввахс. Æфсæддон техникæйæн аразынц сæрмагонд кусæнгæрзтæ. Сæ продукци æрвитынц Уæрæсейы алы регионтæм. «Кусджытæ фаг кæй нæй, уый у æппæт промышленнон къабазы фарста» - зæгъы куыстуаты генералон директор. Зæгъын хъæуы уый æмæ республикæйы хицауад хорз зоны акционерон æхсæнады зындзинæдтæ. Аразы æппæт хъæугæ мадзæлттæ уавæрыл хуыздæрырдæм сахадынæн. Республикæйы парламент сфидар кодта цалдæр закъоны. Уыдонмæ гæсгæ «Разряд»-ы хуызæн куыстуæтты нал хъæудзæн исбонæн хъалон фидын, се `фтиæгты хъалонты нымæц дæр фæкъаддæр уыдзæн. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv