Регионалон проект «Чистая вода» зæгъгæ, бахастой национ проект «Экология»мæ

Йæ хæрзхъæддзинад та фæбæрзонддæр уыдзæн 90%. Проект аххæсдзæн 6 азы мгъуыдмæ. Йæ оайрæзтæн радих кодтой 300 милуан сомы. Фæлæ профилон министрады специлистты ныхæстæм гæсгæ уыцы фæрæзтæ фаг не сты. Нæ республикæйы цæрæнуæтты-комуналон хæдзарады министр Тамайты Майраны ныхæстæм гæсгæ дондзæуæн системæйы хæтæлтæ заууатмæ æрцыдысты. Сæ баивынмæ хъæуы 10 миллиард сомæй фылдæр. Ахæм хатдзæгтæм æрцыдысты сæрмагонд басгæрсты руаджы. Æдæппæтæй бабæрæг кодтой 103 муниципалон объектты. Иртæстытæм гæсгæ сыгъдæг дон нæ республикæйы цæрджытæй ныуазынц 86%. Алагиры районы бæрæггæнæн у къаддæр. Æрмæст 23%. Афтæмæй, нæ республикæйы цæрджыты 91 мин цæрджыты хæдзармæ кърантæй кæлы чъизч дон. Уыдонæй 48 мин сты Дзæуджыхъæуккæгтæ. 28 мин та Алагиры районы цæрджытæ. Æдæппæтæй Республикæйы доны хæтæлты дæргъ у - 3 мин æмæ 954 километры. Уыдонæй заууатмæ æрцыдысты сæ 73%. Æппæты фылдæр Кировы районы- 91%, Æппæты къаддæр та Æрæфы районы- 52%. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv