Цхинвалы фæзындзæн планетарий

Цхинвалы фæзындзæн планетарий. Йæ дуæртæ байгом кæндзæн сывæллæтты сфæлдыстады республикон галуаны. Уый тыххæй информаци æмæ мыхуыры Паддзахадон комитеты пресс-конференцийы фехъусын кодта Хуссар Ирыстоны ахуырад æмæ наукæйы министр Гасситы Натали. Проект сæххæст кодтой Хуссар Ирыстоны рæзгæ фæлтæры раст хъомылады программæйы фæлгæты. Программæ æххæстгонд цæуы 2017- 2019 азты. Планетрий сарæзтой Хуссар Ирыстоны президенты фæстауæрцгæнæн фонды æхцайы фæрæзтæй спайда кæнгæйæ. Сывæллæтты сфæлдыстады галуаны бакусдзысты планетарийы фæдæттæ фæуæрæхдæр кæныныл. Алы скъолайæн дæр фадат уыдзæн стъалытæм бакæсын æмæ Æрфæны фæд фенын. Уыимæ ахæм фадат уыдзæн республикæйы уазджытæн дæр. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv