Дзæуджыхъæуы кæронмæ фæвæййынц æфсæддон пъæлицæйы слестгæнджытæ æмæ разамынды ахуыртæ

Дзæуджыхъæуы кæронмæ фæвæййынц æфсæддон пъæлицæйы слестгæнджытæ æмæ разамынды ахуыртæ. Республикæмæ Уæрæсейы алы регионтæй ссыдысты 100 бæрнон кусæгæй фылдæр. Цæгат Ирыстоны фæбæрзонддæр кодтой сæ квалификаци, уыимæ кæрæдзийæн сæ фæлтæрддзинадæй фæхай кодтой. Æфсæддон пъæлицæйы сæйраг управленийы разамонæджы хæдивæг Владимир Ковалёв æфсæддонты схорзæх кодта сæрмагонд хæрзиуджытæй. Саккаг сæ кодтой йæ куысты чи фесгуыхт уыдонæн. Владимир Ковалёв: «Æнæмæнг фæбæрæг кæнын хъæуы уый æмæ нæ ахуыртæ цæуынц Фыдыбæстæйы Стыр Хæсты уæлахизы боны 75 азы агъоммæ. Культурон программæйы фæлгæты, æфсæддон пъæлицæйы слестгæнджытæ бабæрæг кодтой Цæгат Ирыстоны мемориалон комплекс Барбашовы номыл фæз. Хъæбатырты цыртдзæвæнтæм æрбахастам дидинджытæ. Уæдæ Советон Цæдисы дыууæ хатты хъæбатыр Плиты Иссæйы ном дæр рох кæнæн нæй. Кад ын кæнæм. Уый команды кодта Цæгат Кавказы æфсадæн. Иссæ цы бафæдзæхста, уый æххæст кæнæм. Дæнцæгæн хæссинаг у Сирийы ныртæккæ чи архайы уыдонæн». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv