Фæтк фехæлдтой

Уæрæсейы монополиты ныхмæ службæ «Ростелекомы» ныхмæ байгом кодта хъуыддаг. Уымæн йæ аххосаг - куыстуат конкуренцийы тыххæй закъон кæй фехæлдта, уый. Быцæуы иннæ фарс та ис «Мегафон». Уæрæсейы монополиты ныхмæ службæ куыд хъусын кæны, афтæмæй «Ростелеком» æмгуыстады сæрмагонд бадзырдтæ  «Мегафонимæ» иуæй-иу регионты нæ бафыста. Се `хсæн - Краснодары æмæ Стъараполы крайтæ, Адыгея, Дагестан, Кæсæг-Балхъар, Цæгат Ирыстон, стæй Ростовы облæсть. 30-æм апрелы «Ростелекомы» размæ рахастой фиппаинаг, цæмæй монополиты ныхмæ службæйы закъонæвæрд ма хала. Уæвгæ, дам, бастдзинады паддзахадон оператор амынд аиппытæ нæма аиуварс кодта. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv