Хуссар Ирыстоны кæронмæ æрхæццæ медицинон объекты арæзтад - республикон арæндон

Хуссар Ирыстоны кæронмæ æрхæццæ медицинон объекты арæзтад - республикон арæндон. Дзуапп дæтты æппæт нырыккон домæнтæн дæр. Арæндонмæ рагæй æнхъæлмæ кастысты куыд цæрджытæ, афтæ дохтыртæ дæр. Цавæр фадæттæ дзы фæзынд уый тыххæй радзурдзыстæм нæ дарддæры æрмæджы. Республикон арæндоны арæзтад кæронмæ æрхæццæ ис. Ам куыстытæ райдыдтой 2017 азы декабры. Дыууæуæладзыгон райдзаст бæстыхай. Кадджын уавæры йæ байгом кодта Хуссар Ирыстоны президент Бибылты Анатолий. Уый хицауады уæнгтимæ арæндоны кусджытæн ракодта арфæ ног гæнæнтæ сын кæй фæзынд, уый фæдыл. Цалынмæ арæндон кадджын уавæры ком кодтой, уæдмæ дзы 2 ноггуырд сывæллоны царды рухс федтой. Уый уæлдай циндзинад æрхаста уазджытæн. Ноггуырдтæ дыууæдæр сты чызджытæ. Арæндоны ис 30 бынаты. Уыдонæй 20 сты гинекологийы хайады. 10 та арæн блочы. Фыццæгæм уæладзыджы та æрбынат кодтой сылгоймæгты консультаци, арæн палатæтæ æмæ дыууæ операцион уаты. Дзæбæхгæнæдон ифтонггонд у æппæт хъæугæ кусæнгæрзтæй дæр. Самал сæ кодтой рагацау. Нысангонд программæмæ гæсгæ. Сæрмагонд кусæнгарз дзуапп дæтты медицинон техникæйы нырыккондæр домæнтæн. Равзæрстой йæ дохтырыт курдиатмæ гæсгæ. Специалисттæ дзы ныридæгæн сты разы. Республикæйы сæйраг гинеколог Цхуырбаты Тамилæйы ныхæстæм гæсгæ сæйрагдæр æмæ æхсызгондæр уый у æмæ арæндоны 3Д æмæ 4Д УЗИ аппараттæ кæй фæзынд, уый. Уыдоны руаджы дохтыртæ бæрæг кæндзысты сабиты низтæ. Цалынмæ арæзтадон куыстытæ цыдысты уæдмæ бынæттон дохтырты ахуыр кодтой ног техникæйæ пайда кæныныл. Дзæбæхгæнæндоны ма лæмбынæгдæр цæстдард уыд сыгъдæгкæныны системæ раст куыд куса, уымæ. Уыимæ ма коммуникацитæ æмбæлгæ фæткмæ гæсгæ уагъд æрцыдысты. Технологон кусæнгарз иууылдæр æвæрд у пъадвал æмæ цары. Уым лæууынц сæ датчиктæ дæр. Ацы объект кæй сцæттæ ис, уый Хуссар Ирыстонæн фадат дæтты медицинон кластер цæттæйыл нымайын. Уый размæ дзы иу фæзыл куыстой республикон соматикон рынчындон, сывæллæтты реабилитацион центр æмæ хирургон комплекс. Уазиты Зæлинæ _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv