«Ирон бæгæны-2018»

Æппæтадæмон фестиваль «Ирон бæгæны-2018» арæзт æрцыд 5-æм хатт. Фыццаг æртæ азы идзы архайдтой æрмæст ирыстоны цæрджытæ. Уый фæстæ апарахат. Уыд Кавказы горæтты, Хъырымы, Самарæйы. Ныр т ма фæсарæнты дæр. Абон дзæуджыхъæуы ахицæн фестивалы фæстаг къæпхæн. Сбæрæг кодтой хуыздæр бæгæныфыцджыты дæр. Кæмæн радтой хуыздæры ном, æмæ куыд ацыд бæрæгбон, уый радзурдзæн ме `мкусæг Пелиты Сабинæ. Фæстаг азты республикæйы, куыд фæстæдæр та фæсарæнты дæр апарахат фестиваль «Ирон бæгæны». Арæзт æрцыд Хъырымы, Турчы, Мæскуыйы, Самарæйы, Хъæрæсейы, Фанцийы, Голландийы, Бельгийы æмæ ма Хуссар Ирыстоны. Æфсинтæ тох кодтой хуыздæр бæгæныфыцæджы ном райсыныл. Абон та æвзарæн къæпхæны уæлахиздзаутæ сæ арæхстдзинад равдыстой фестивалы кæронбæттæн мадзалы. Кæмæндæр ацы фестиваль традицион сси, чидæр та дзы архайы фыццаг хатт. Зæгъæм, Гудиаты Людмилæ, Дзæуджыхъæумæ ссыд Францийæ. Куыд зæгъы, афтæмæй бирæты уырнгæ дæр нæ кодта, фестивальмæ Цæгат Ирыстонмæ кæй ацæудзæн, уый. Фæлæ рæдаукъух æфсины бæллиц фестивалы бацархайын уыд æгæрон æмæ æнæкъуылымпыйæ йæ къухы бафтыд. Бæгæныйæ уæлдай ма фестивалы уыд номинаци « Хуыздæр æмæ дзадджындæр фынг». Æбиаты Валерийы ныхæстæм гæсгæ, фынгтæ рауадысты тынг райдзаст æмæ рæсугъд. Фестивалы фыццаг бынат бацахста Кировы районы цæрæг Мæргъиты Фатимæ, дыккаг бынат адих кодтой Алагиры районы цæрæг Черджиты Дзерассæ æмæ Хуссар Ирыстоны цæрæг Гогкойты Анджеликæ. Уæлахиздзаутæн алкæмæндæр радтой æхцайы премитæ æмæ зæрдылдарæн лæвæрттæ. Мадзал аразджыты ныхæстæм гæсгæ ахæм фестиваль дарддæр уæрæхæй-уæрæхдæр кæндзæн. Фестивальы гæнæнтæ афæдзæй-афæдзмæ фылдæр кæндзысты. Зæгъæм, иннæ аз фестивалы æвзарæн къæпхæн арæзт æрцæудзæн Америкæйы ирон диаспорæимæ. Уый та уый нысан у ахæм мадзæлттæ сты пайдайаг. Рох кæнын нæ уадзынц нæ фыдæлты рæсугъд æгъдæуттæ. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv