Цæгат Ирыстоны медицинон академийы уыд æмбырд

Цæгат Ирыстоны медицинон академийы уыд æмбырд. Архайдтой дзы ахуыргæнæндоны разамынд æмæ республикæйы фæсивæдон парламенты социалон политикæйы комитеты минæвæрттæ сæ сæргъы Битарты Павел афтæмæй. Уымæй уæлдай ма фембæлды архайдтой медицинон академийы фæстаг курсы студенттæ æмæ Стъараполы Кировскийы бирæвæрсыг рынчындоны сæйраг дохтыр. Уыдон рауагъдонты хонынц кусынмæ Стъараполмæ. Цæгат Ирыстоны медицинон академийы ректор Олег Ремизов куыд зæгъы афтæмæй ацы хъуыдаг у хъæугæ æмæ ахсджиаг. Дзæбæхгæнæндоны ис 50 куысты бынаты. Куыд зæгъынц, афтæмæй специалистты мызд уыдзæн бæрзонд. Уымæй уæлдай ма студенттæн фадат уыдзæн "Земский доктор", зæгъгæ программæйы архайын. Æрыгон дохтыртæн ма фатертæ дæр ратдзысты _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv