Мысæн мадзал

Дзæуджыхъæуы уыд, Арменийы 1988 азы 7 декабры цы æвирхъау зæххæнкъуысты æрцыд, уый амæттæгты мысæн изæр.Сомихаг æхсæнады минæвæрттæ æрæмбырд сты националон зонадон чиныгдоны уыцы тугуарæн цауты бонтæ æрæмысынмæ. Уазджытæн чиныгдоны æрбацæуæны сарæзтой сæрмагонд равдыст къамтæ æмæ газеттæй скъуыддзæгтимæ. Чи `рбацыд, уыдоны цæстыты раз ногæй уыцы нывтæ сыстадысты. Кæд абон æртын азы рацыд, уæддæр сæ нæ рох кæнынц. «Уыцы бон 7-æм декабры арв ныттар ис райсомæй. Дымгæ райдыдта. Мах æнхъæлдтам, мит дæр ма бацайдагъ уыдзæн. Зæххæнкъуыст куы райдыдта, уæд мæ сæр ныццавтон. Уый аххосæй бирæ хъуыддæгтæ хъуыды дæр нал кæнын. Ме 'мкусджытæ мæ фервæзын кодтой. Мæ зæрдæ фæриссы уыцы бонтæ мысгæйæ», — æрдзон фыдбылызы æвдисæн Анжела Григорьева. Æмбырды архайджытæ фыдбылызы амæттæгты нæмттæ æрхъуыды кодтой иу минут æдзæмæй алæугæйæ. Уый фæстæ бакастысты документалон кинонывмæ. Уæ зæрдыл уын æрлæууын кæндзыстæм, æрдзон фыдбылыз уыцы бон Ленинакан æмæ Кироваканæй дур дурыл нал ныууагъта. Спитак та зæххы скъуыДТы аирвæзт. Официалон бæрæггæнæнтæм гæсгæ, æрдзон фыдбылызы аххосæй фæмард 25 мин адæймаджы, 140 адæймаджы баззадысты инвалидтæй. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv