Уæрæсейы наукæты академийы Дзæуджыхъæукаг ахуырадон центры кусджыты схорзæх кодтой кадджын

Уæрæсейы наукæты академийы Дзæуджыхъæукаг ахуырадон центры кусджыты схорзæх кодтой кадджын паддзахадон хæрзиуджытæй. «Уæрæсейы Федеарцийы бæрзонд технологиты кадджын кусæджы» нæмттæ райстой физикон-математикон наукæты доктор, профессор Къусраты Анатолий æмæ историон наукæты доктор, профессор Цыбырты Людвиг. Наукон-технологон наукæты рæзтмæ стыр æвæрæн чи бахаста, уыдонæн та саккаг кодтой майдантæ. Сæрмагондæй кады аккаг систы историон наукæты кандидат Цыбырты Алексей, профессор Хъаныхъуаты Зæлинæ æмæ педагогон наукæты кандидат Вера Абатурова. Сæ удуæлдай фыдæбоны тыххæй фæнысан кодтой наукон центры сæйраг бухгалтер Галазты Риммæйы. Мадзалы архайджын арфæ ракодта республикæйы ахуырад æмæ наукæйы министр Алыбегты Эллæ. Наукæйы къабазимæ æмгуыст кæнын ахуырады системæйæн у ахджиаг хъуыддаг. Уæрæсейы наукæты академийы Дзæуджыхъæуккаг ахуырадон центры иумæйаг æмбырды ма скодтой куысты хатдзæгтæ. Бæстонæй дзырдтой фидæны пълæнттыл. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv