Фарғона вилояти божхона бошқармаси “Фарғона” чегара божхона пости ходимлари томонидан пост орқали қўшни давлатдан кириб келган “Ласетти” русумли автотранспорт воситаси кўздан кечирилди. Кўздан кечириш давомида автотранспорт воситасининг “метан” газ баллони ходимларда шубҳа уйғотганлиги сабабли ечилиб сканерлаш техник воситаси ёрдамида назоратдан ўтказилганида газ баллони ичида бошқа предметлар яширилганлиги аниқланди. Шундан сўнг, “метан” газ баллони кўрикдан ўтказилганида газ баллони ичида акциз маркалари билан маркаланмаган жами 1000 қути “милано” номли тамаки маҳсулотларини божхона назоратидан яширган ҳолда олиб кирилаётганлиги маълум бўлди. Мазкур ҳолат юзасидан суриштирув ҳаракатлари олиб борилмоқда.