Национ проекты фæлгæты сывæллæтты рæвдауæндæтты фæзындзæн 380 бынаты

2020-æм азы Цæгат Ирыстоны национ проекты фæлгæты сывæллæтты рæвдауæндæтты фæзындзæн 380 бынаты. Уый тыххæй федералон æмæ регионалон бюджеттæй рахай кæндзысты 278 милуан æмæ 800 мин сомы. Сывæллæтты ног рæвдауæндон æмæ скъолайы агъоммæ ахуыргæнæдæттæм уæлæмхасæн бæстыхæйттæ сараздзысты проект «Демография»-йы фæлгæты. Уый тыххæй хъусын кæнынц республикæйы ахуырад æмæ наукæйы министрадæй. Афтæмæй, сывæллæтты рæвдауæндон сараздзысты Беслæны. Уыдзæн дзы 230 бынаты. Уыимæ ма уæлæмхасæн бæстыхæйттæ фæзындзæн Дзæуджыхъæуы дыууæ ахуыргæнæндоны, фæйнæ 55 бынатимæ, иу Бæрæгъуыны- 20 бынатимæ æмæ Ираны. Уым дæр фæзындзæн 20 бынаты. Ныртæккæ республикæйы бынæттæм рады лæууынц 350 сывæллоны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv