Сæ тыхтæ бавзæрстой

Спорты галуан Манеж-ы 2-аг хатт уыдысты раидиан скъолайы ахуырдзауты хсæн ерыстæ. Архайдтой дзы Дзæуджыхъæуы скъолаты 31 минæвæры. Сæхи фæлвæрдтой спорты алы хуызтæй. Сентябрæй-декабрмæ скъоладзаутæ ерыс кæндзысты спорты 13 хуызæй: спортивон гимнастикæйæ, уæгъдибар хъæбысхæстæй, рог атлетикæйæ æмæ æндæртæй. Ерысты фыццаг хайы сывæллæттæ ерыс кодтой дугъ кæнынæй, гæпп кæнынæй, бæндæн ивазынæй. Æдæппæтæй спортивон фæзы уыд 400 адæймагæй фылдæр. Декабры уыдзысты финалон ерыстæ. Сбæрæг дзы кæндзысты уæлахиздзауты. Схорзæхджын сæ кæндзысты алыхуызон лæвæрттæй. Мадзал арæзт у горæты администраци, фæсивæды æмæ спорты комитеты хъæппæрисæй. Куыд зæгъынц афтæмæй сæ зæрды ис иннæ аз ерыстæм республикæйы районты скъоладзауты фæхонын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv