Сæ фæдтæ ныууагътой

Абон Дзæуджыхъæуы скодтой фыранчы бронзæ фæдтæй фæндаг. Ахæм хуызы æххæстгонд цæуы Цæгат Ирыстоны национ символ, фыранк, Ирыстонмæ кæй раздæхт, уыимæ. Фыранчы фæдтæ фидаргæнæн мадзалы архайдта нæ республикæйы сæргълæууæг Битарты Вячеслав дæр. Уый дæр сфидар кодта фыранчы иу бронзæ фæд. Уымæй уæлдай-ма дзы уыд Уæрæсейы президенты цур Цæгат Ирыстоны æххæстбарджын минæвар Дзанайты Барис, экологийы министр, æрдзы дунеон фонды минæвæрттæ. Уыдон Битарты Вячеславæн балæвар кодтой франчы сурæтимæ ныв. Фæнысан кæнын хъæуы уый, æмæ ацы композицийы цæуы акци "Фыранчы раздæхт Ирыстонмæ-йы фæлгæты. Йæ Нысан кæны фыранчы бронзæ фæдтæ нæ горæты центрæй алырдæм куыд апырх сты, афтæ апарахат уыдзысты æгас республикæйыл. Махæн та не стырдæр хæс у нæ национ символ бахъахъхъæнын. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv