Республикæйы скъолаты фæзынд иумæйаг паддзахадон фæлвæрæнтæм цæттæгæнæн центртæ
Профилон математикæйæ хынцинæгтæ æнцон не сты. Ахуыргæнæг æмæ ахуырдзаутæ иумæйагæй хæслæвæрдтыл кусынц. Рауагъдон къласы фæсивæд бæстонæй цæттæ кæнынц сæхи Иумæйаг паддзахадон фæлварæнмæ. Дыууæ къорды дзы ис: иутæ профилон математикæ ахуыр кæнынц, иннæтæ та бындурон. Уаниаты Алинæ æмæ Гоцъоты Георгий уроктæ ма фæцух кæныныл архайынц. Дыууæйы дæр фæнд кæнынц Мæскуыйы уæлдæр ахуыргæнæндæдтæм бацæуын. Дзæуджыхъæуы 38-æм скъолайы Иумæйаг паддзахадон фæлварæнмæ цæттæгæнæн пункт æрæджы байгом кодтой. Ахуыртæ дзы цæуынц къуыри дыууæ хатты . Математикæ, уырыссаг æмæ англисаг æвзæгтæ, æхсæнадзонынад æмæ химийы уроктæ. Уыимæ ахуырдзаутæ тынг нæ бафæллайынц, уроктæ хаст сты скъолайы бонвæткмæ. Иумæйаг паддзахадон фæлварæнмæ цæттæгæнæн центрæн ныридæгæн стыр аргъ скодтой скъоладзаутæ æмæ ахуыргæнджытæ. Педагогтæ сæ ахуырдзауты гæнæнтæ зонынц. Уæдæ ныййарджытæн дæр сæ уавæртæ фенцондæр сты. Æппынæдзух цæттæгæнæн ахуыртæ æмæ сæйрагдæр та цы зонындзинæдтæ исынц, уыдоны хæрзхъæддзинад. 38-æм скъолайы рауагъдонтæ Иумæйаг паддзахадон фæлварæнæй æппынæдзух хорз бæрæггæнæнтæ равдисынц. Цæттæгæнæн пункт та бæрзонд хатдзæгтæ райсынæн хорз æххуыс у. Республикæйы ахæм центртæ 13 сты, аххæсыдысты 3 мин ахуыргæнинагыл.
Профилон математикæйæ хынцинæгтæ æнцон не сты. Ахуыргæнæг æмæ ахуырдзаутæ иумæйагæй хæслæвæрдтыл кусынц. Рауагъдон къласы фæсивæд бæстонæй цæттæ кæнынц сæхи Иумæйаг паддзахадон фæлварæнмæ. Дыууæ къорды дзы ис: иутæ профилон математикæ ахуыр кæнынц, иннæтæ та бындурон. Уаниаты Алинæ æмæ Гоцъоты Георгий уроктæ ма фæцух кæныныл архайынц. Дыууæйы дæр фæнд кæнынц Мæскуыйы уæлдæр ахуыргæнæндæдтæм бацæуын. Дзæуджыхъæуы 38-æм скъолайы Иумæйаг паддзахадон фæлварæнмæ цæттæгæнæн пункт æрæджы байгом кодтой. Ахуыртæ дзы цæуынц къуыри дыууæ хатты . Математикæ, уырыссаг æмæ англисаг æвзæгтæ, æхсæнадзонынад æмæ химийы уроктæ. Уыимæ ахуырдзаутæ тынг нæ бафæллайынц, уроктæ хаст сты скъолайы бонвæткмæ. Иумæйаг паддзахадон фæлварæнмæ цæттæгæнæн центрæн ныридæгæн стыр аргъ скодтой скъоладзаутæ æмæ ахуыргæнджытæ. Педагогтæ сæ ахуырдзауты гæнæнтæ зонынц. Уæдæ ныййарджытæн дæр сæ уавæртæ фенцондæр сты. Æппынæдзух цæттæгæнæн ахуыртæ æмæ сæйрагдæр та цы зонындзинæдтæ исынц, уыдоны хæрзхъæддзинад. 38-æм скъолайы рауагъдонтæ Иумæйаг паддзахадон фæлварæнæй æппынæдзух хорз бæрæггæнæнтæ равдисынц. Цæттæгæнæн пункт та бæрзонд хатдзæгтæ райсынæн хорз æххуыс у. Республикæйы ахæм центртæ 13 сты, аххæсыдысты 3 мин ахуыргæнинагыл.