Сергей Меняйло архайдта Уæрæсейы регионты экономикон райрæзты фарстаты фæдыл æмбырды

Сергей Меняйло Уæрæсейы хицауады сæрдар Михаил Мишустинæн равдыста республикæйы экономикон рæзты модель 2030 азы онг. Арæзт æрцыд федералон профилон министрады амынддзинæдтæм гæсгæ. Стыр æргом дзы здæхт цæуы агропромышленон комплекс, туризм, промышленность, цæрæнуæтты-коммуналон хæдзарад æмæ транспортон - логистикон комплексы рæзтмæ. Фарстатыл бакусын къухы куы бафта, уæд республикæйы фæкъаддæр уыдзæн æгуыст адæмы нымæц. Туристон къабаз ног къæпхæнмæ рахиздзæн æртæ егъау проекты руаджы. Се 'хсæн туристон рекреацион комплекс «Мамысон», тематикон фæз «Алания парк», комплекс «Къæхтысæр» æмæ туристон кластер «Горная Дигория». Æдæппæтæй инвестициты нымæц уыдзæн 23 миллиард сомы. Республикæйы уый руаджы фæзындзæн 3600 кусты бынаты. Хъæууон хæдзарады къабазы бакусдзысты хъæрмуæтты арæзтадыл, фæзындзæн ног дыргъдæттæ, кæсагимæ куыстмæ дæр уæлдай æргом аздахдзысты. Æдæппæтæй архайдзысты 17 проекты райрæзтыл. Михаил Мишустин куыд фæнысан кодта, афтæмæй регионы гæнæнтæ æххæстæй раргом кæнынæн бахъæудзæн зынгæ инвестицитæ æмæ рæстæг. Сæйрагдæр у Цæгат Кавказы цæрджыты цард фæхуыздæр кæнын. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv