«Алания-Владикавказ» профессионалон лигæйы райдианы акæндзæн фыццаг матч

«Алания-Владикавказ»-ы футболисттæ абон Профессионалон лигæйы райдианы акæндзысты сæ фыццаг матч. Уыдзæн республикон стадион «Спартачы». Йæ ныхмæлæууæг уыдзæн «Легион-Динамо» Махачкалайæ. Футболисттæн радтой ног формæ. Командæйы фæзынд бирæ ног футболисттæ. Капитанæй сын снысан кодтой Цæрикъаты Тарасы. Уæ зæрдыл уын æрлæууын кæндзыстæм футболисттимæ æмæ тренертимæ бон раздæр аныхас кодта Цæгат Ирыстоны сæргълæууæг Битарты Вячеслав. Куыд загъта, афтæмæй сын алы хъазты дæр сæйрагдæр у уæлахизмæ тырнын, æмæ фидар удыхъæд æвдисын. Футболон клубы президент Гæбулты Владимир фехъусын кодта, нæ командæ сезоны размæ йæ тыхтæ зынгæ кæй фæфидардæр кодта, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv