Скъолаты рауагъдонтæ дарддæр дæттынц иумæйаг паддзахадон фæлварæнтæ. Абон фыссынц истори æмæ физикæ. Кæронбæттæн иртæстыты историйæ архайынц 1000 иуæндæсæмкъласоны, физикæйы та 400 адæймаджы. Историйæ экзаменацион куыст арæзт у дыууæ хайæ. Бахастой сæм 20 хæслæвæрды, хъуамæ сæ скъоладзаутæ баххæст кæной 3 сахаты æмæ 30 минутмæ. Физикæйæ хынцинæгтæ та сты 30. Сæ баххæст кæнынӕн рауагъдонтæн рæстæг ис 3 сахаты æмæ 55 минуты. Иумæйаг паддзахадон фæлварæны рæстæг скъоладзаутæн сæ бон пайда кæнын у хуымæтæг калькулятор æмæ линейкæйæ. Фæлварæнтæ раттынмæ сæрмагондæй снысан кодтой 9 пункты. Куыд раздæры азты, афтæ ацы хатт дæр аудиториты ис видеоцæстдарды системæтӕ. Ахуырады æмæ наукæйы министрады та кусы сæрмагонд телефон иумæйаг паддзахадон фæлварæны фарстаты фæдыл. Уæ бон у бадзурын ахæм номырмæ — 53-49-40.