Гварди нæ хъахъхъæны

Битарты Вячеслав абон фембæлд Уæрæсейы гвардийы Федералон службæйы хицауы командыгæнæг Сергей Меликовимæ. Фембæлды рæстæг æрныхас кодтой регионы æмæ гвардийы æмгуыстады фарстатыл. Йæ цæст сæм кæй дары æмæ сын амынддзинæдтæ кæй дæтты, уый тыххæй Битарты Вячеслав уазæгæн загъта бузныджы ныхæстæ. Республикæйы сæргълæууæг æнæбафиппайгæ нæ фæци, республикæйы цы гвардион хæйттæ ис, уыдоны адæмы сабырдзинад хъахъхъæныны хъуыддаджы ахадгæ æмæ хъæугæ кæй сты. Гвардионтæн алывæрсыг æххуыс кæй кæны, уый тыххæй Сергей Меликов Уæрæсейы гвардийы Федералон службæйы хицау Виктор Золотовы номæй Битарты Вячеславæн загъта арфæйы ныхæстæ. Æмæ ма бафтыдта, дарддæр дæр нæ бæстæйы регионты цæрджыты сæраппонд кæй кусдзысты, уый. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv