Тагъд æххуысы клиникон рынчындоны цалцæг кæронмæ фæхæццæ кæны

Нæ республикæйы ныртæккæ цы социалон объекттæ аразынц, уыдоны хсæн ахсджиаг бынат ахсынц медицинон уагдæттæ. Сæ уавæр хуыздæр кæнинаг у горæтæй райдай æмæ хæххон хъæутæй фæуы. Æмæ сыл кусынц. Зæгъгæм, тагъд æххуысы клиникон рынчындоны бындурон цалцæггæнæн куыстытæ æххæст кæнынц сæрмагонд пъланмæ гæсгæ. Дзæбæхгæнæндоны уыцы иу рæстæг ног кæнынц цалдæр хайады. Пациентты та исынц рынчындоны иннæ хайæдты. Тагъд æххуысы клиникон рынчындоны арæзтад куыд цæуы, уый æппынæдзух бæрæг кæны республикæйы хицауады сæрдар Тускъаты Таймураз дæр. Премьер аразджыты раз æвæры хæстæ – фыццаджыдæр цæмæй куыстыты хæрзхъæддзинадмæ зæрдæ ма æхсайа, уыимæ ма сæ цæмæй афойнадыл скæной. Пълан куыд æххæстгонд цæуы, уый базыдта не`сфæлдыстадон къорд. Уазиты Зæлинæ бæлвырддæр радзурдзæн. Гастроэнтерологон корпус бындуронæй цалцæг кæнын райдытой уалдзæджы. Ныртæккæ дзы куыстытæ кæронмæ фæхæццæ кæнынц. Декабыры йæ байгом кæндзыты. Бæстыхай заууат уавæры уыд, арæзтадон куыстытæ дзы рагæй нæ цыдысты. Проектмæ гæсгæ бахизæнтæ фæуæрæхдæр кодтой. Фæзынд дзы 60 бынаты. Алы уаты дæр – химæ зилæн бынат. Аразджытæ куыд зæгъынц, афтæмæй ма хъæуы лыстæг куыстытæ баххæст кæнын. Заууат уавæры уыд морг дæр. Уый аххосæй йæ цалдæр азы размæ сæхгæттой. Уалдзæджы ацы бæстыхаймæ дæр зилын райдыдтой. Арæзтадон куыстытæ дзы кæронмæ фæхæццæ кæнынц. Сылгоймæгты низтæ дзæбæхгæнæн корпусы цалцæггæнæн куыстытæ та райдыдтой июлы. Аразджыты ныхæстæм гæсгæ мадзæлттæ æххæст кæнынц пъланмæ гæсгæ. Объект дзуапп дæтдзæн æппæт нырыккон домæнтæн дæр. Ног кусæнгæрзтæ, райдзаст уаттæ, 2 операцион блокы. Кусджытæ куыд зæгъынц, афтæмæй бæстыхай бындуронæй рацарæзтой. Баззадысты ма дзы афтид къултæ. Ныртæккæ дохтыртæ рынчынты уынынц æндæр хайæдты. Ног корпусы дуæрттæ байгом уыдзысты фидæны аз. Бындурон цалцæджы куыстытæ цæуынц сæрмагонд паддзахадон программæ гæсгæ. Арæзтадæн рахай кодтой 300 милуан сомы. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv