Æдасдзинады домæнтæ

Фæндаггон змæлды æдасдзинадыл абон дзырдтой хицауады къамисы æмбырды. Сæрдариуæг дзы кодта вице-премьер Томайты Ирбег. Уый куыд фæбæрæг кодта, афтæмæй бæстондæрæй æркæсын хъæуы, фистæгцæуджытæ домæнтæ куыд æххæст кæнынц, уымæ. Хорзыл банымайæн ис фæндаджы сæрты ахизæнтæм ног домæнтæм гæсгæ кæй зилынц, уый. Æрмæст ма скъолаты æмæ ахуыргæнæндæтты цур фæндæгты уавæрмæ хуыздæр базилын хъæуы. Томайты Ирбег уæлдай æргом аздæхта фæндаггон нысанты уавæрмæ. Бирæ амонæнтæ нал зынынц, кæцыдæр рæтты та уæвгæ дæр æвæрд не `сты. Хицауады сæрдары хæдивæг бæрнон адæмæн бабар кодта хъуыддаг сраст кæнын. Æмбырды куыд рабæрæг афтæмæй 2020 азы кæронмæ регионалон æмæ муниципалон фæндæгтыл фæзындзæн 60 ног ахизæны фистæгцæуджытæн. Къамисы уæнгтæ æрдзырдтой фæндаггон фæтк халджыты чи бæрæг кæны уыцы сæрмагонд системæтыл. Дзæуджыхъæуы уынгты дзы сæвæрдтой 44. Хæстæгдæр рæстæг сеппæт дæр кусын райдайдзысты. Æмбырды архайджытæ скодтой хатдзæгтæ сæ куыстæн. Цы хъæндзинæдтæ рабæрæг кодтой уыдон аиуварс кæныныл дарддæр кусдзысты, цæмæй фæндаггон змæлд æдас дæр кæна. Айвар Хуадонов: «Фæндаггон уагæвæрдмæ хъæуы бæстондæрæй æркæсын. Фæндаджы змæлд цæмæй æдасдæр уа, уый тыххæй аразæм профилактикон мадзæлттæ. Дзыллон информацион фæрæзты куыстæй дæр бирæ аразгæ у. Æнгомæй семæ кусæм. Æнахъом сывæллæттæн дæр бамбарын кæнæм фæндаджы уагæвæрд». _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv