Базарадон-экономикон колледжы студенттæ æмæ ахуыргæнджытæ бæрæгбон балæвар кодтой се 'нæниздзинад хъ

Ног азы бæрæгбонмæ ма баззад 3 боны. Æмæ ацы рæстæг сæххæст вæййынц æппæты ахсджиагдæр бæллицтæ. Афтæмæй, бæрæгбоны агъоммæ Цæгат Ирыстоны паддзахадон базарадон-экономикон колледжы сарæзтой арфæйаг хъуыддаг. Дзæуджыхъæуы администрацийы бацæттæ кодтой Митын Дада æмæ Митæимæ бæрæгбон, Дауны синдром кæмæ ис, ахæм сабитæн. Балæвар сын кодтой æцæг бæрæгбон. Акцийы архайдтой 60 сывæллоны. Се 'ппæтæн дæр балæвар кодтой адджинæгты дзæкъултæ. Ахæм лæвæрттæ студенттæ бацæттæ кодтой сæхæдæг. Цæгат Ирыстоны паддзахадон базарадон-экономикон колледжæн ацы акци сси хорз традици. Кæнынц æй ныр 4-æм аз республикæйы ахуырад æмæ наукæйы министрады æххуысæй. Бæрæгбоны арфæтæ сабитæн ракодта министр Алыбегты Эллæ дæр.