Дзæуджыхъæуы 7-æм скъолайы цæуы Александр Пушкины мысæн къуыри

Александр Пушкины мысæн къуыри цæуы Дзæуджыхъæуы 7-æм скъолайы. Фыццæгæм къласы ахуыргæнинæгтæн радзырдтой генийы сабибонтæ æмæ йæ бинонты тыххæй. Уый фæрцы номдзыд поэты сфæлдыстадимæ сабитæ хуыздæр базонгæ сты. Арфдæр æмæ бæлвырддæр банкъардтой йе 'мдзæвгæты æмæ аргъæутты цы аивдзинад æмæ рæсугъддзинад ис, уый. Зындгонд поэт йæ цардæй ахицæн 1837-æм азы 10-æм февралы Дантесимæ дуэльы. Цыдис ыл 37 азы. Кæд йæ цард цыбыр рауад, уæддæр йæ уацмыстæ систы уырыссаг литературæйы классикæ. Сты скъолайы программæйы æнæмæнг хай. Скъоладзаутæ бакастысты Александр Пушкины поэмæтæй скъуыддзæгтæ æмæ æмдзæвгæтæ. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv