5-æм республикон фестиваль «Кавказ-нæ иумæйаг хæдзар»

Абон Цæгат Ирыстоны базарадон-экономикон техникумы райдыдта 5-æм республикон фестиваль «Кавказ-нæ иумæйаг хæдзар». Ныры онг ацы мадзал техникумы разамынд гом кæнынц Джеоргуыбайы бæрæгбоны агъоммæ. Уый фæдыл Ирыстоны зæхмæ саккаг кодтой æндæр адæмыхæттыты минæвæрттæ æмæ Цæгат Кавказы Федералон зылдæй уазджытæ. Ацы фестивалы уыдис не 'сфæлдыстадон къорд дæр. Уыдонæн ныхасы бар. Уырыссæгтæ, хъуымыхъæгтæ, армайнæгтæ, гуырдзыйæгтæ æмæ æндæр адæмы хæттыты минвæрттæ, уыимæ ма Цæгат Кавказæй уазджытæ æрбамбырд сты Дзæуджыхъæуы базарадон-экономикон техникумы. Фембæлды сæйраг нысан у, ирон адæмы кадджындæр бæрæгбæттæй иуыл иумæйагæй сæмбæлын. Ныр бæрæгбоны фæдыл Ирыстоны зæххмæ 5-æм хатт æрбамбæлдысты. Ам базарадон-экономикон техникумы разамонæг Æбиты Валерийы хъæппæрисæй цæуы республикон фестиваль «Кавказ – нæ иумæйаг хæдзар». Ацы мадзалы сæйраг нысан – æрвылаз, Джеоргуыбайы бонмæ, Ирыстоны адæм æгасцуай зæгъын иннæ адæмыхæттыты минæвæрттæн. Зæрдиагæй сыл бацин кæнын, æмæ кæрæдзийæн арфæйы ныхæстæ ракæнын. Æбиты Валерий ацы фестиваль дзæгъæлы нæ аразы. Куыд нын радзырдта, афтæмæй йæ фæнды, цæмæй адæм æнгом уой, уыимæ кæрæдзийы культурæ æмæ традицитæ рох ма кæной. Зонгæ кæной сыхаг республикæты хъæздыг историимæ. Цымыдисаг бæрæгбонмæ сымбæлдысты республикæйы хæлардзинады хæдзары уæнгтæ. Разамонæг йæ хæсыл банымадта уазджытæн бузныг зæгъын, нæ бæрæгбоныл нын иумæ кæй цин кæнынц, уый тыххæй. Уæлдай æхсызгон та йын у, бирæ æхсæнæдты минæвæрттæ кæй сымбæлд республикæмæ, уый. Абон ацы мадзалыл бакуыстой Цæгат Ирыстоны базарадон-экономикон техникумы разамынд, кусджытæ æмæ студенттæ. Ардæм ма æрбацыдысты нæ республикæйы æхсæнадон организациты æмæ хицауады уæнгтæ, Цæгат Ирыстоны национ ахастдзинæдты фарстаты фæдыл министр Цуциты Аслан æмæ иннæтæ. Уыимæ ма æндæр адæмыхæттыты минæвæрттæ дæр. «Владикавказская»-йы станицæйы штабы хицау Виктор Климов: «Мæн фæнды адæмæн Джеоргуыбайы бæрæгбоны фæдыл раарфæ кæнын. Мæ зæрдæ сын зæгъы, цæмæй æнæниз æмæ амондджын куыд уой. Куыд уынæм, афтæмæй ам æрбамбыр сты бирæ алыхуызон адæмыхæтытты минæвæрттæ». Джеоргуыбайы бæрæгбон ирон адæмыл рæсугъдæй сæмбæлд, уыимæ ма уазджыты дæр сбуц кодтой. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv