Профессионалон цæттæдзинады центры райдыдтой «IRON-Старт», зæгъгæ, сæрмагонд ахуыртæ

Профессионалон цæттæдзинады центры райдыдтой «IRON-Старт», зæгъгæ, сæрмагонд ахуыртæ. Мæй æмæ æрдæджы дæргъы 11 командæйы республикæйы районтæй архайдзысты сæ проектты райрæзтыл. Бацæттæ сæ кодтой алы фæзилæнты: туризм, веб-разработкæ, 3D-моделировани, амалхъомад, хӕдтæхгӕ аппараттæ, социалон проекттæ. Ног фæлтæрддзинад райсдзысты 70 адæймаджы онг. Æххуыс сын кæндзысты сæ разамонджытæ. Амалхъом адæм, куыстуæтты хицæуттæ æмæ республикæйы хицауады уæнгтæ. Ахуырты фæстæ алы архайæг дæр райсдзæн сæрмагонд æвдисæндар, уæлахиздзаутæ та – зынаргъ лæвæрттæ.