Астрономи ногæй фæзындзæн скъолайы

Цæгат Ирыстоны астæуккаг скъолаты ногæй ахуыр кæнын райдайдзысты астрономи. Уыцы предмет ахуыргæнæндæтты нæ амыдтой 1998 азæй нырмæ. Рацыди 20 азы æмæ ныр астрономийы уроктæ дæтдзысты нæ республикæйы 18 скъолайы, 10-æмкъласонтæн. Ныридæгæн самал кодтой хъæугæ чингуытæ, бацæттæ кодтой 55 ахуыргæнæджыты. Сæрмагондæй ацыдысты сæ зонындзинæдтæ фæуæрæхдæр кæныны курсытæ. Уый фæдыл Мæскуыйæ æрбахуыдтой корпораци «Уæрæсейы ахуыргæнæн чиныджы», стæй Физикон-математикон ахуырады центры минæвар Ирина Власовайы. Астрономийы уроктæ ахуыргæнæн курсмæ бафтауын уыдис Уæрæсейы ахуырад æмæ наукæйы министр Ольга Васильевайы хъæппæрис. Уый сси йæ сæйрагдæр уыннафæтæй иу æмæ йын æгас бæстæйы бирæтæ зæгъынц зæрдиаг. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv