Дзанайты Барис бабар кодта ног куысты бынæттæ скæнын æмæ чи ис, уыдон бахъахъхъæнын

Афæдзы райдианæй куыстдæттыны комитетмæ бахатыдысты 8 мин 500 адæймаджы. Специалисттæ сæ базонгæ кодтой æппæт паддзахадон лæггæдтимæ дæр. Ацы фарстатыл Дзанайты Барис æрныхас кодта бæрнон кусджытимæ фембæлды. Куыст радтой 1700 адæймагæн. Уыдонæй æппынæдзухон куыст у 741 адæймагæн. Рæстæгмæ куыст та ссардтой 1300 адæймагæн. Нымад цы æгуыст адæм цæуынц, уыдоны нымæц фæкъаддæр. Бæрæггæнæн æрхауд 0,9%. Уæгъд куысты бынæтты номхыгъды ис 1400 бынаты. Республикæйы арæзт цæуы национ проект «Демографи». Æрмæст ивгъуыд азмæ мин адæймагæй фылдæр фæуæлдæр кодтой сæ дæсныйад æмæ ног куыстытыл дæр сахуыр сты. Ахуыры фæстæ цæрджыты 80% куыст ссардтой. Куыстдæттджытæн æххуысыл дæр æрдзырдтой. Уæлæмхасæн мадзæлтты программæйæн фæрæзты 99% дæттынц федералон бюджетæй. Зæгъæм, æхсæнадон куыстмæ кæй райстой, уыдоныл цы хæрдзтæ скодтой, уый куыстдæттджытæн фæстæмæ бафиддзысты. Уымæй уæлдай ма, рæстæгмæ кæй райстой куыстмæ æмæ кусæнгарз балхæнын кæмæн бахъуыд, уыдонæн дæр фæйнæ 10 мины раттдзысты. Æнæ фæллойадон бадзырдæй чи кусы, уыдонмæ дæр æмбырды аздæхтой уæлдай цæстæнгас.