Цæгат Ирыстоны автономийы 100 азы бæрæгбонмæ рауагътой уникалон нывтæ

Цæгат Ирыстоны автономийы 100 азы бæрæгбонмæ мыхуыр æмæ дзыллон коммуникациты комитет рауагъта арфæйы сыфтæ. Сарæзтой цыппар цымыдисаг æмбырдгонды фæйнæ 18 нывимæ. Се 'хсæн Дзæуджыхъæуы рагон историон хуызтæ, Нарты кадджыты хъайтартимæ нывтæ. Хицæн фæлыст ма снысан кодтой республикæйы историйы цаутæн. Æвдыст дзы цæуынц ирон адæмы æгъдæуттæ, традицитæ, культурæ. Бæрæгбоны фæлгæты ма рауагътой къæлиндартæ æмæ тетрæдтæ. Æппæт продукци самал кæнæн ис «Ногбон» киоскты.