Цæгат Ирыстонæй сæрмагонд æфсæддон операцимæ арвыстой дыргътæ æмæ халсартæ

400 килограммæй фылдæр фæткъуытæ сæрмагонд æфсæддон операцийы архайджытæн арвыста Дзæуджыхъæуы цæрæг. Фидараты Олегыл цæуы 77 азы æмæ у дыккæгæм къæпхæны инвалид. Фæлæ йæ уый нæ хъыгдары йæ уарзон куыст кæнынмæ. Æххуыс ын кæны йæ бинойнаг. Экологон æгъдауæй сыгъдæг продукт бинонтæ зайын кæнынц Быдыры Дæргъæвсы. Нæ æфсæддонтæн æххуыс кæныны хъуыддаг бинонтæ нымайынц сæ граждайнаг хæсыл. Ноджы ма 2,5 тоннæйы картоф сæрмагонд æфсæддон операцийы архайджытæн арвыста Хæххон Аграрон университет. Гуманитарон æххуыс æрæмбырд кодтой Адæмон Фронты проект "Все для победы"-йы фæлгæты. Æххуыс арвитдзысты абон.