Уæрæсейы национ гвардийы кафт æмæ зарды академион ансамблыл сæххæст 45 азы

Уæрæсейы национ гвардийы кафт æмæ зарды академион ансамблыл сæххæст 45 азы. Артисттæ сæ юбилейы фæдыл Цæгат Кавказы республикæтыл гастрольтæ сарæзтой. Сфæлдыстадон къорд бабæрæг кодта Дзæуджыхъæу дæр. Уæрæсейы гвардийы службæгæнджытæ æфсæддонтæн æмæ йе 'фсæддон хæс æххæст кæнгæйæ чи фæмард, уыдоны хиуæттæн равдыстой концерт. Акодтой советон æмæ уæрæсейаг композиторты зарджытæ Фыдыбæстæмæ уарзондзинады æмæ æфсæддон æхсардзинады тыххæй. Ансамблы артисттæ кæм уыдысты, уыцы горæттæй Дзæуджыхъæу цыппæрæм у. Уый размæ концерттæ равдыстой Махачкала, Грозна æмæ Назраны. Ацы ансамбль у нæ бæстæйы æфсады стырдæр сфæлдыстадон къордтæй иу, фыццаг профессионалон мидæфсæддон коллектив. Арæзт æрцыд 1973 азы. Уал азмæ ансамбль радта 8 мин концерты. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv