Пластикæй æмæ авгæй конд посудæ, арæзтадон бырон æмæ ма суанг фосы уæлмæрд дæр. Æнæзакъон бырондон фæзынд Хъолайы цъитийы амæттæгты номыл мемориалы алфамбылай. Хауæццæгты обæуттæ бонæй-бонмæ фылдæр кæнынц. Активисттæ бынат ныссыгъдæг кæнынц, фæлæ та цыбыр рæстæджы фæстæ фæзуат быронæй нал фæзыны. Цæрджытæ уавæры тыххæй катай кæнынц. Æнæзакъон бырондонмæ се 'ргом аздæхтой Адæмон фронты уæнгтæ. Активисттæ æрдзыл ауæрдыны курдиатимæ фæсиддзысты Джызæлы æмæ районы разамындмæ. Уымæй уæлдай ма уавæрмæ сæ хъус дардзысты. Æрæджы ма æвæстиаты бырондон фæзынд егъау дукани Леруа Мерлены фæстæ, уæд хауæццæгтæ бафснæйдтой, ныр бырондоны фæзуат аив кæнынц.