Цæгат Ирыстон æмæ Кæсæг-Балхъары арæнты `хсæн дарддæр цалцæг кæнынц «Кавказы» фæндаг

Цæгат Ирыстон æмæ Кæсæг-Балхъары арæнты `хсæн дарддæр цалцæг кæнынц «Кавказы» фæндаг. Арæзтадон куыстытæ цæуынц Урухы хъæу æмæ Змейкæйы 5 километры уаддзагыл. Цалцæг кæнын æй райдыдтой августы. Ныртæккæ аразджытæ исынц асфальты зæронд цъар. Уæлдай æргом здахынц æдасдзинады домæнтæм. Уый тыххæй фæндаджы фæрстæ кæнынц уæрæхдæр. Уымæй уæлдай ма дзы сæвæрдзысты ног хъæугæ нысæндтæ. Сног кæндзысты фистæгцæуджыты дыууæ ахизæны. Цæрджыты удæнцойæн фæндаг сифтонг кæндзысты æхсæнадон транспорты ног æртæ æрлæууæнæй. Æппæт куыстытæ фæнд кæнынц ноябры кæронмæ фæуын.  _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv