Æлхæнæг нæй

Ивгъуыд азты «Моздокские узоры»-йы продукци Уæрæсейы бирæ регионты цæрджытæ зыдтой. Ластой сæ Советон Цæдисы алы республикæтæм. Æнусы ’рдæгæй фылдæр куыстуат уыд раззагдæртæй. Уагътой рудзынг æмæ дуарæмбæрзæнтæ. Ныр дæр архайынц ууыл тыххæй-фыдæй. Фæлæ куыстуат уæддæр йæ къæхтыл лæууыныл архайы. Кæддæры зындгонд куыстуат куыд æмæ цæмæй цæры, уый базонынæн Мæздæгмæ абалц кодтой не сфæлдыстады къорды уæнгтæ. «Моздокские узоры» у районов æппæты стырдæр фабрикæ. Уæдæ Уæрæсейы та – нывæфтыдимæ рудзынг æмæ дуарæмбæрзæнтæ чи уадзы, уыдонæн сæ раззагдæртæй иу. Кусы 62 азы. Кæд æмæ Турк, Беларуси æмæ Китаимæ ерыс кæны сæ бон нæу, уæддæр куыстуаты продукцийы хæрхъæддзинад æвзæрдæр нæу. Цавæрдæр домæнтæм гæсгæ та ма хуыздæр дæр разыны. Сергей Пономаренко, куыстуат «Моздокские узоры»-йы генералон директор: «Нæ продукцийы хæрзхъæддзинад у хорз, иттæг хорз. Адæм сæ бирæ азты фæпайда кæнынц. Фæлæ уæддæр, цæмæдæр гæсгæ нæ фæсивæд асламдæр туркаг продукци æлхæнынц. Аслам та уымæн у æмæ цалдæр азы алæууыд. Æмæ цы рауайы - асламæй балхæнынц æмæ йæ аппарынц, стæй та ног балхæнынц». Фæстаг азты куыстуатæн æнцон нæу. Советон Цæдисы рæстæг уагътой 46 милуан квадратон метры алы хуызты быд хъуымац. Ныртæккæ та – 1 милуанæй дæр къаддæр. Вæййы афтæ æмæ мæйæ фылдæр цех æгуыстæй фæлæууы, уымæн æмæ фаг æлхæнджытæ нæй. Заводæн йæ хъомыс цас у, уымæн йæ 15% йедтæмæ нæ пайда кæнынц. Фæллой та дзы кæнынц æрмæст 150 адæймаджы. Кæд кусæнгарз тæккæ ногдæртæй нæу, уæддæр ыл ис хæрзхъæд рудзынгæмбæрзæнтæ уадзæн ис. Виктор Булгаков – цехы разамонæг: «Ацы кусæнгарзыл исты цымыдисаг нывтæ дæр аразæн ис. Суанг ма дзы адæймаджы сурæттæ дæр сныв кæнæн. Фæнды уæ - науыл, поезды, кæнæ та сывæллæтты хъазæн бынаты. Мах архайæм, нæ бон куыд у, афтæ». Ацы уаты та аивадон совет бакусы хъуымæцты хуызтыл æмæ аивдзинадыл. Кæронбæттæны та рад æрхауы рауагъд продукцийы хæрзхъæддзинад бæрæггæнæн цехмæ. Ам та быд хъуымацæй бахуыйынц цæттæ дзауматæ. Наталья Игнатенко, рауагъд продукцийы хæрзхъæддзинад бæрæггæнæн цехы разамонæ: «Ам мах цæттæ кæнæм дзаумæттæ. Сæвæрæм сыл фабрикæйы маркæтæ, нывæрæм сæ æдтаг цъæртты æмæ сæ арвитæм уæй кæнынмæ. Уæззау æмæ хъæбæр, стæй быд хъуымæцтæ дæр ам бабиноныг кæнæм, иугай дзаумæттæ дæр. Рабæрæг кæнæм хъæндзинæдтæ. Хæрзхъæддзинады домæнтæм гæсгæ продукци адих кæнæм. Уæй кæнымæ чи нæ бæззы ахæм хуымæцтæ айсæм». Ныртæккæ фабрикæ кусы æрмæст сæрмагонд æлхæнджыты заказтæм гæсгæ. æвзæр ма уый у æмæ сын сæ продукци уæй кæныны бынæттæ нæй. Æгуыстæй дæр уый тыххæй лæууынц. Фæлæ «Моздокские узоры» иу æмæ дыууæ экономикон кризисы кæй бафæрæзта æмæ кусгæйæ кæй баззад, уый дæр цæуылдæр дзурæг у. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv