Хæсты хъайтар

Цæгат Ирыстонæй Афганистаны хæсты архайдта 1200 адæймаджы. 56 дзы сæ райгуырæн бæстæмæ нал сыздæхтысты. Ныртæккæ нæ республикæйы цæры Афганистаны хæсты 850 ветераны. Булкъон Мæхъиты Заурбегæн йæ цæстытыл уайынц 30 азы размæ цы цаутæ æрцыдысты уыдон. Кабуламæ бахаудта 80-æм азы. Службæ дзы кодта 2 азы. Хæсты быдыры цы бавзæрста æмæ дзы цы уавæртæ уыд, уый тыххæй дзурын дæр нæ фæразы. Афганы хæстæй фæстæмæ йæ фыдыуæзæгмæ сыздæхын æй разæнгард кодтой бинонтæ. Заурбегмæ æнхъæлмæ каст йæ бинойнаг æмæ дыууæ сывæллоны. «Тынг зын уыд, Кабулы æрдз тынг æвзæр у. Фыццаг дзы хур фæкæсы, иуфæстæ та æвиппайды æрбауазал вæййы. Госпитæлы бирæ ирæттимæ фембæлттæн. Уыдоны бирæты стæй схорзæхджын кодтой сырх стъалыйы ордентæй», - Афганы хæсты ветеран Мæхъиты Заурбег. Афганы хæст райдыдта декабры 1979 азы. Тох цыдис цæмæй бæстæйы хицауады сæргъы æзнаг ма слæууа. Сæ курдиаты фæдыл Советон Цæдис Афганистны хæсты быдырмæ арвыста æфсæддонтæ. 10 азы дзы тох кодтой. «Хæсты цаутæ адæмы ахуыр кæнынц зæрдæхæларæй цæрын. Нæ салдæттæл, афицертыл æмæ бадзырдмæ гæсгæ чи службæ кодтой, уыдоныл æрцыд мæгуыры бон. Уæд иу хаттдзæгмæ рæцыдтæн: Ацы зæххыл сабыр цардæй хуыздæр ницы ис», - Афганы хæсты ветеран Мæхъиты Заурбег. 30 азы размæ Советон Цæдисы æфсад ракодтой Афганистанæй. Цæгат Ирыстонæй дзы æмтгæй райсгæйæ, бацархайдтой 1200 адæймаджы. Сæ райгуырæн бæстæмæ сыздæхтысты æрмæстдæр 84-æй. Ветеранты æхсæнадон организацитæ æмæ регионы æфсæддон къамисы бæрæггæнæнтæм гæсгæ, ныртæккæ нæ республикæйы цæры Афганы хæсты 850 ветераны. _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv