Уæрæсе дарддæр æххуыс кæндзæн Хуссар Ирыстонæн.

Иумæйаг къамисы уæнгтæ документыл кусын райдыдтой абон Цхинвалы. Хуссар Ирыстоны хицауады хъусынгæнинагмæ гæсгæ, инвестицион программæмæ цы мадзæлттæ хаст æрцæудзысты, уыдоны номхыгъд ныридæгæн цæттæ у. Куыд пълан кæнынц, афтæмæй республикæйы дарддæр араздзысты фæндæгтæ, ног дзæбæхгæнæндæттæ, скъолатæ, спортивон æмæ хиирхæфсæн комплекстæ. Дыууæ мин `нудæсæм азы онг Уæрæсейы бюджетæй радих кæндзысты цыппар миллиард сомæй фылдæр. Уымæй размæ уал Хуссар Ирыстоны социалон-экономикон рæзты программæ æххæстгæнгæйæ нæ бæстæ радих кодта фараст миллиард сомæй фылдæр. Къамисы уæнгтæ куыд радзырдтой, афтæмæй ма куыст цæудзæн амалхъомдзинад, туризм æмæ энергетикæ райрæзын кæныныл. Уæрæсейы `рдыгæй иумæйаг къамисы сæргъы ис хицауады сæрдары хæдивæг Александр Хлопонин, Хуссар Ирыстоны `рдыгæй та - хицауады сæрдар Пухаты Эрик. _ Мы рядом в: vk.com/irystontv instagram.com/irystontv Telegram: t.me/irystontv youtube.com/irystontv twitter.com/irystontv