Федералон программæ «Развитие сельских территорий»-ы фæлгæты рахизфарсы районæн лæвæрд æрцыд 9 грант

Федералон программæ «Развитие сельских территорий» æнтыстджынæй æххæст кæнынц Цæгат Ирыстоны. Программæ у бирæвæрсыг. Йæ хæйттæй иу - хъæууон хæдзарады фыццаг къахдзæфтæ чи кæны, уыдонæн баххуыс кæнын грантты хуызы. Сæ фæрцы хæдзарæдтæ нæ республикæйы рæзынц. Чысылгай йе `нтыстытæм цæуы нæ дарддæры `рмæджы хъайтар дæр. Бæлвырддæр радзурдзæн Айларты Эмилия. Бедойты Таймураз æмæ Лидия фосы куыстгæнæг бинонты хыгъдмæ рагæй хауынц. Паддзахадон программæтæ фермерты æмæ зæхкусджыты къух дзæвгар кæй фæрогдæр кодтой, уымæ гæсгæ бинонтæн сæ фосы нымæц фæфылдæр кæнын сæ бон баци. Липецкæй сластой 20 дыгæрдыджы. Уыдон сты, сырх хъулон Голштин кæй хонынц, ахæм мыггагæй. Хауынц егъау стурвосы хыгъдмæ. Сæ уæз 18 мæймæ свæййы 426 кг. Бедойты Таймураз æй хорз зоны, фермеры бонтæ цафон райдайынц æмæ кæдмæты ахæссынц, уый. Фесты сæумæцъхæй, æмæ суанг изæрмæ æнцад не ’рбады. Афтæ, æрвылбон фосмæ зилы. Ацы стурвосы мыггаг æхсыр хорз дæтты. Бинонтæ сæ амал дæр уый тыххæй скодтой. Федералон программæ «Развитие сельских территорий»- ы фæлгæты 2019 азы Рахизфарсы районæн лæвæрд æрцыд 9 гранты. Уыдонæй 7 нысангонд сты райдайгæ фермертæн, 2 та - бинонджынтæн. Рахизфарсы районы управленийы зоотехникы ныхасмæ гæсгæ, ацы хъуыддаг тынг ахсджиаг у. Бедойты Таймураз æмæ Лидия фос дарынæн сарæзтой æппæт уавæртæ дæр. Сарæзтой фермæ. Фос сæрдыгон кæм уой, ахæм фæзуат дæр сын ис. Ацы программæ хорз у уымæй, æмæ хъæуы чи цæры, уыдонæн ис фадат фосы куыст кæнынæн. Хуымæллæджы цæрæг Цæллагты Фидар дæр фосы куыст кæнын æрæджы райдыдта. Гранты руаджы самал кодта 15 стуры. Нæлгоймаг куыд зæгъы, афтæмæй архайын хъæуы, цæмæй сæ уæз ма фесафой. Фермертæ дарддæр дæр фæнд кæнынц фосы нымæц фылдæр кæнын. Ирыстоны фосы куыст кæныны хъуыддаг рæзы. Фермертæ кæд бирæ нæма сты, уæддæр сæ куысты сæхи æнтыстджынæй æвдисын райдыдтой. Айларты Эмилия _ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv