Национ культурæты æппæтадæмон инклюзивон фестиваль райдыдта Дзæуджыхъæуы

Дзæуджыхъæуы райдыдта национ культурæты æппæтадæмон инклюзивон фестиваль «Алтын Майдан-Алания». Йæ архайджытæм æнхъæлмæ кæсы равдыстытæ, дæсныйадæвдисæн ахуыртæ, этнографион æркæстытæ, цымыдисаг кæфтытæ, нывтæ. Уымæй уæлдай - инклюзивон педагогикæйӕ наукон-практикон конференци. Йе 'нæниздзинад хъыгдæрд кæмæн у, ахæм сабиты хъомылады тыххæй дзы ис райсæн бæлвырд зонындзинæдтæ. Мадзалы иу хай эпидемиологон уавæры тыххæй цæуы онлайн хуызы. Улан-Удэйæ скъоладзаутæ аргъæутты хъайтарты бынаты. Архайджыты зонгæ кæнынц æппæтадæмон инклюзивон фестиваль «Алтын Майдан»-имæ, сæ культурæ æмæ царды уагимæ. Ацы аивадон лаборатори фæзынд Казаны. Йæ сæйраг нысан — этникон ахастдзинæдтæ парахат кæнын. Мадзал цæуы Дзæуджыхъæуы. Æмæ кæд пандемийæйы аххосæй мадзæлтты 'мбис цæуы фæсаууонмӕ хуызы, уæддæр уыцы уавӕртӕ нæ бакъуылымпы кодтой нæ бæстæйы алы регионтæй архайджыты. Не 'вгъау кæнынц кæрæдзийæн сæ зонындзинæдтæ æмæ фæлтæрддзинад. Наукон-практикон конференцийы фæлгæты ныхас кӕнынц инклюзивон педагогикæйы райрæзты ахджиаг фарстатыл. Кæфтытæ, адæмон сфæлдыстад, йе 'нæниздзинад хъыгдæрд кæмæн у, уыцы сывæллæтты райрæзтæн мадзæлттæ. Инклюзивон педагогикæйы сæйраг хæс у сабиты гæнæнтæ фӕуӕрӕхдӕр кæнын. Фестиваль ахæсдзæн 29 октябрмæ, Архайджытæн уыдзӕн хъæздыг программæ. Дæсныты равдыстытæ, этникон æркастытæ. Базонгӕ уыдзысты Дзæуджыхъæуы аивдæр бынæттимæ дӕр. _________________________ Мы рядом в: vk.com/irystontv instagram.com/irystontv youtube.com/irystontv twitter.com/irystontv ok.ru/irystontv